ERLAITZ-AIAKO HARRIAK MENDI MARATOI ERDIA

Iruneko lasterketa goizeko 9tan hasten zanez goiz jaiki bihar, 6.45 inguruan. Etxian isil isilik armosau, motxilia hartu eta N1tetik barrena Irunera. Lehenengo aldixa zanez nahikua galduta ibili nintzan eta denporaz justo justo illau nitzan. Dortsala hartzeko eta gero aparkaitteko komerixak eduki neben, berotu eta estirau in barik irteerako lekura illauaz.

Lasterketa hasiera oso azkarra in zan, lehenengo 8 edo 9 km-truak aldapa barik zianez eta korrikalari artian asfaltoko jente asko ikusten zanez, ritmo gogorrian berotu earra hartu neben. Hasiera hasieratik igarri neben nire hankak ez hoiazela fresko, aurreko egunetako entrenamentuetatik rekuperau barik, deskantso biharra!!Eguneko lehenengo aldapa gogorra hasi zian bihotz taupadak rekuperau eta lasai lasai goruntz. Konturatu orduko Erlaitz gaina igota eta ibilbide erdixa itteko askorik falta ez.

Iban Letamendi Oñatiarra eguneko lehenengo aldapa gogorrian

Komentau lasterketa osuan sirimiri desatsegin bat izan gebela eta noiz behinka zaparradatxon bat be bai. Ta sartuta euen behe lainuak ez dozkun jare Aiako Harrittako paraje ederraz disfrutaitten.

Ibilbide gora beheratxu baten ibili ostian, eguneko 2. paretia. Berrehun metro izango zian eta antolakuntzak “Everest txiki” izena ipinitta eukan, kartel ta guzti!! Egixa esan ez zan hain gogorra in. Ibilbideko tontorrik altuenera illaitten be ez geben asko tardau, Irumugarrieta 821m-kin eta 16km-truan esan leike lasterketako gogorrena ia indda dauela. Hortik aurrera jeitsiera, aldapa txikiren bat eta lau asko!! Baina lasterketako sorpresia oindiok illaitteko dau, azkeneko 100m-truak zelai baten aldapa goruntz!! Ta gainera aldapia oso gogorra!! Eskerrak jende pillatxua euela helmugako aldapa hortan ta euran animuaz  errexau igo nebela.

Aitor Lopez Rekarte (Bonba) Realeko futbolari ohia helmugako aldapan gora

Lasterketa Honetan Euskal Selekzinoko korrikalarixak euzenez nibel haundixa egon zan. Helmugan lehenengua Aritz Egea izan zan, bean atzetik Hassan marokoarra eta Oier Ariznabarreta. Emakumeetan berriz Oihana Kortazarrek irabazi eben baina gauzak estu ipini xauen 1min ta erdira sartu zan Maite Maiorak. Aipaketakua be bai Iban Letamendin 6. puestua, ea Aizkorriko maratoi on bat itten dauen ta aurrian ibili leikedan.

Antolakuntzari buruz esan ondo organizauta euela, dortsala hartzeko ipini ebein sistema kaotikuaz ez bazan eta dutxatako ur hotzaatik ez bazan. Ibilbidia oso ondo markauta, kruzetan jende pillatxua eta bukaerako luntxa elegantia; tortilla patataz, makarroiak eta pizzak gura hian beste. 

IKERREN OÑATIKO BIRA: HERRIKO MUGETATIK

Maiatzak 11-an in neben  Oñatiko mugetatik doian ibilbide hau. Ehunmiliak karreria gertu dau eta kilometro batzuk itteko gogua neukanez, azken urtietan urterokua bihurtu dan ibilaldi hau in neben.

55km eta 3500 metroko desnibel positibua dakon ibilaldi hau hasteko aukera desberdinak dauz, ta nik aukeratutakua San Prudentzio izan zan. Goizeko 9ak inguruan urten nintzan eta lehenengo aldapak oso gogorrak dia gas-bide baten gora. Ia ondo berotuta Zubilaga ingurura bajaitten da eta berriz aldapa gogorrak igota  lenengo Bakue eta gero Urruxola Garaira igo neben. Hemendik Araotzeko Ugastegira eta Andarto azpittik pasauta eta Degurixatik pasauta Elgeako 27. eolikora ailau nintzan. Notizietan eguraldi ona ingo ebela esan ebein arren, belainua eta haize oso hotza euen Arabako mendittan.

Korrika apur bat inaz 78. eta azken eolikuak pasauta ikusi neben lehenengo mendizaliak. Beste pare bat gora-bera eta laister ailau nintzan Urbixara. Eguardixa zan arren oso jente gutxi euen Urbixako fonda inguruan, 2 katu! Oso hotz itten eben eta. Ura bete, eskistako aldapak igo eta Oñatiko mendirik altuena igo neben, Artzanburu. Bertan Aran euen  neri itxoitten, ia euzkixan  lehenengo berotasunan laguntziakin. Aranek be Sancti Spiritutik Aizkorri igo eta Artzanbururainoko bueltia in eben, ta bixok gosetuta, bazkaitteko aprobetxau geben Artzanburuko deskantzua.

Aranek berutzako bidia hartu eben eta nik ibilaldixan bigarren partiari jarraittu notzan. Biozkornatik pasauta Udanara eta hemendik Legazpiko kurtzerainoko igoeria. Igoera hau  ezta oso gogorra, baina bai luzia eta ia kilometruak igarri itten dia. Hemendik Arrano haitz-erainoko bidia oso politta da ta ia egualdi onakin Aizkorri-Aloñako bista ederrak ikusteko aukeria emuten dost. Lizargaratetik aurrera berriz be gas-bidia hartu eta Landarraitzko azken igoeria igota, dana berutza Sanprudentzioraino.
Danera 8h ta erdi bihar izan neben bueltia itteko.

Ibilbidian Track-a eta datuak:  http://es.wikiloc.com/wikiloc/view.do?id=4535304

 

 

OIARTZUN IBAIAREN ARROARI BIRA- ARANEN KONTAKETA

Aurtengo urterako objetibo garbi barik euki ez arren, aurreko aste erdixan zapatuan Errenteixan organizaitten ebein martxa batera fatia pentsau neben. Leitzako Erronka ittia neukan buruan baina ondiok kilometro askorik in barik neuenez, billur apur bat emuten nostan Leitzara fatiak. Hori dala ta, Errenteixako 45km-ko martxia ittia Leitzarako ondo etorriko xatela pentsauaz fan nitzan bertara; zela ez Ikerren laguntziakin.

Goizeko 6:30xak aldera Errenteixan geuzen izena emuteko. Kontrol danetan sellau biharreko tarjetatxua hartu ondoren, bertan ezagun batzuk juntau ginan. Pardi eta Alberto Larrea oñatiarrak, Mutrikuko Atarratze eta Ikerrekin Tor des Geants-era fan zan Kauldi. Aurreko Azarotik beakin egon barik geuzen eta martxian hasieria beakin in geben. Lehenengo 10 km-ak akordau barik pasau xaten Kauldikin barriketan. Hemendik aurrera Kauldik reduktoria kendu eta bere martxan jarraittu eben. Orduan konturatu nitzan 2011ko Tor des Geants-eko bi parte hartzailekin batera fan nitzala hasierako km hareittan.

  

Martxa honen hasierako km batzuk asfaltuan dia eta nahiko astunak itten dia. Tartian Mugaritz restaurantetik pasaitten da eta bertan armosaitten geldiketako tentazinua euki geben baina…. Behin Bianditzeko lepua harrapo ondoren ibilbidia Artikutza inguruko medi eta basotan zihar doia eta aurrerau senda oso polittak pasaitten dia Aiako Arrixairi bueltia emunaz. Paraje honeittan km-ak nahiko samurrak zian eruateko. Behin Aiako Arrixak atzian itxi ondoren begixen aurrian Txingudiko badia dana ikusten zan bere onenian.

Egualdixa lagun geukala km batzuk beheruntza in ostian, Oiartzuneko auzo batera allau ginan. Bertan euen Jaizkibeleko aldapa gogorra igo aurreko azkenengo abituallamentua eta ahalik eta inddar gehixen batu ondoren, Jaizkibeleruntza urreraketan hasi ginan. Oiartzun aldetik Jaizkibel mendixan barren barrenetik igoten da aldapa gogorreko senda batetik. Bukaeran eskuak erabili biharreko pasotxo bat pasaitten Jaizkibel gaineko antenatara allaitteko. Aldapa gogorra eta egualdixa nehiko berua zala kontutan hartuta, trankil hartu geben igoeria eta ttirri-ttirri akordau orduko allau ginan tontorrera. Hemendik bistak oso polittak dia; alde batera begiratu ezkero Txingudi eta itsasua ikusten dia bestekaldian Gipuzkua barnealderako bistak dia nagusi.

 

Tontorrian Isostar konzentrau dexente edan ondoren, terrenua faborablia zala aprobetxauaz korrika in geben bukaerarainoko bidia. Camino de Santiago-kin koinziditten ebein senda batzutatik pasaitten da jaitsieria Lezoko porturaino allau arte. Hemendik kale artian pasauaz allau ginan metara.

8 ordu eta laurden ondoren 45km indda metan geuzen. Ni personalmente oso pozik eta disfrutauta allau nitzan; egualdi ona, paraje oso polittak,… Ordurarte hainbeste km segidan in barik neuen eta martxa honek Leitzarako konfiantzia hartzeko balixo izan nostan.

Honen ondoren, Ekaineko lehenengo asteburuan Leitzara fango naiz eta a ver Errenteixan mouko ondo bukaketan doten.

Ezin naiz ahaztu Ikerrekin; martxa honetan nere onduan fan izanak zerikusixa euki ebelako bukaerako resultauan. Eskerrikasko Iker.

 

PABLO - KARRAKA OROZKOKO IIIV. MENDI LASTERKETA

Euskadiko kopako lehen lasterketa zan Orozkokua baina ala ta be 150 korrikalari baino gutxiu irteera puntuan. 29km ta 1800m-ko desnivel positibua aurretik, gainera aspaldiko partez eguraldi ezin hobia; bero haundi bariko egun eguzkitxua.

10ak puntuan itxafleruak hasiera emun hotzan mendi lasterketa beterano honi, 8. edizinua izan arren, nik lehenengo aldixa itten nebena. Orozkora faten nitzan lehenengo aldixa be bazan eta asko gustau xaten mendiz inguratutako herrixka txiki bizkaittarra.

Herrixari buelta bat emun ostian lehenengo aldapia, asfaltuan gora hasierako kilometruak. Bertan Iñaki (Mutriku) juntau nitzan baina beriala ikusi neben bere ritmua neria baino azkarraua zala, oinez be ni korrika baino agurua zoian, igarten da Ultratakua dala Iñaki!! Asfaltua alde batera utzi eta pinui baten gora Belangobuelta tontorrera illau arte, han lehenengo ur tragaua hartu eta behera. Oso jeitsiara teknikua, harri artian, zuhaitz sustarren bat be bai eta erreka arro bateraino distraitteko denporarik bariko kilometruak, orkatillak gogorketako leku bikaina.

Jeitsiera amaittu eta lauko metro bat barik berriz goruntz!! Eta zelako aldapa gogorra, ixa lau hankatan ittekua, eskerrak ez zala oso luzia!! Eguneko 2. tontorrera Ipergortara illaitten goiazela atzekuak esaten dozt “ luego a la otra cima de la derecha” puff!! Eskuinera begiratu eta han pikutan tontortzar bat!! Bueno, lasai hartu ta illauko gaitttuk!! Kilometro horreik danak ta azkeneko jeitsierarte taldetxo batian fan nitzan, umore onian ta broma artian, kilometruak errexau in zian, konturatu orduko Oderiaga 1241m ta ibilbideko azkeneko tontorra superauta.

Azken jeitsieran hasieran inddako igoeran behera zanez ibilbidia ezauna eta nahiz ta inddako kilometruak hanketan igartzen zian, nahikua ondo sartu nintzan helmugan.

Lasterketako ibilbidiari buruz esan oso politta izan zala, jeitsiera gogorrakin, igoera gogorrakin, zona teknikuakin, lokatsa pixkat be bai….. oso ibilbide konpletua!! Aizkorriko maratoian hantz haundixa hartu xaten, aizkorrin animaitten egoten dan jende pilluatik ez bazan alde haundirik ez euen eukiko. Pena bat da holako lasterketa bat antolaketan lana hartu eta 150 partaidera be ez heltzeia ta mendi inguruan ikusle gutxi edo bapebe ez egotia.

Bestalde komentau Imanol Goni izan zala irabazlia, Jabi Olabarrian aurretik. Emakumezkotan Aitziber Ibarbiak ez eben kontrarixorik eduki.

 

DONOSTIA-HONDARRIBIA 2013 - IKERREN KONTAKETA

Apirilak 28an izan zan Donosti-Hondarribia lasterketia eta bertan izan ginan Luis Urigoen, Iban Isasti eta ni. Argider Isasti apuntauta euen, baina fan zan domekan belaunian min hartu ebenez, bere dorsala aldatu eta ni fan ahal izan nintzan, aber laister rekuperaitten dan.

Aspaldi karrerarik inbarik neuen eta gogua neukan konpetitteko edo nere burua prueban jarteko, baina beste aldetik, karreriak 30km eukan eta aspaldi mendixan hainbeste km inbarik neukan ta bilur apur bat be baneukan. Donostin Groseko kiroldegixan dorsala hartu geben eta han ikusi gittun Lukene, Joxe Mendiola ta Izar ( azken bixak laguntzaile lanetan) eta Iban Letamendi Oñatiarrak. Dorsalak hartu, aldatu eta irteera ingurura fanginan Luis, Iban eta hirurok. Beroketa apur bat in eta irteerarako 2 minutu falta ziala euri zaparradia!! ondo hasi ginan. Esan bida bidian getozela inguruko mendi danak edurtuta euzela eta nehikua suerte euki gebela, lenengo zaparradia kenduta, beste dana euzkittan ingebelako eta kostako bista ederrak ikusi al izan geben.

 Goizeko 9:30 pum!!!  500 korrikalari Uliako lehenengo aldapan bila. Hasierako bidia estua da ta apur bat aurreraketara fan nintzan ta Luis eta Iban inguruan etozen, baina apur bat aurrerau atzera begiratu neben eta atzera geratuta euzen, ta ikusi neben karreria lasai itteko asmua eukaila, katxondeo dexentekin. Hortaz aurrera ittera erabakitta, korrika ta oinez eta bata beztian atzetik ilaran lehenengo gaina hartzen du. Eguraldi ona dau eta berotuta, buff, mangito eta txalekuak sobra dauz. Senda polittetan atzetik aurrerantz noia aldan einian eta nahiko gustora eta laister ailaitten gara Faro de la Platara eta handik eskilera oso bertikal batzuk bajauta Pasaiako puertora. Suertia euki dot eta ezdot asko itxoin biharrik izan barkorako eta laister pasau gara beste aldera. Han animo dexente euen eta euran artian Joxe Mendiola argazkilari lanetan.

 Berriz aldapa gogorrak igoten hasten gara, eta laister juntau naiz Josu Anduela Lezotarrakin, mendi lasterketetan indako laguna. Apur bat aurrerau beste lagun bat, Zigor Alberdi. Honek karreria itteaz gain kilometro batzuk itten ebilen bere preparazinuan. Atzetik aurrera eta jentia pasauaz oso gustora noia, baina kilometruan medixak ikusi ta apur bat arduraketan naiz, ni ez bait naiz hain aguro fatekua, ta akaberan zer pasauko ote zan bilurrakin. Jaizkibeleko 3 Torriak pasau eta abituallamentuan txokolatia janda, aldazbera luziak itsasoraino. 4 km segido a 4:16, 4:19,3:51 ta 4:15!!!  Puff!!! ta nik aspaldi eztot ain aguro korrika iñ, ta gainera mendixan! Bueno ia 21. kilometrua zan eta ondo noian, ta okerrera fanda be ia gutxi faltako zanez, a tope, arriesgau inbizan.

Itsasoko uretatik oso gertu eta zelai berde oso polittetan beste 3 km in eta gero Guadalupeko azken aldapak igoten hasi ginen. Hasieran korrika, gero oinez, ta akaberan fuerte ikusitta berriz korrika. total 4 km bakarrik falta dia. Guadalupeko gainian Aranen animuak, ixa gu baino kilometro gehixau indauela rekorriduan zihar(26km) eta apur bat aurrerau berriz be Joxe Mendiola argazkilari. 3 kilometroko bajadia eta Hondarribiko herrixan sartu ginan, giro oso onian eta animo asko jasota.

Azkeinian 2h 46min 20seg.-ko denporiaz oso oso gustora, nere pentsamentu onenian be ez euen eta denpora hori ittea. Metan Aran, Joxe Mendiola, Izar eta Letamendikin (3. sailkatua) egon nitzan beste 2 taldekidiairi itxoin bittartian. Laister etorri zian eta hotzittu aurretik dutxa on bat hartu geben etxerako bidia hartu aurretik. Kiroldegixan Lukenekin be juntau ginan eta pozik euen bera be indako karreriakin.

Benetan karrera politta eta ikusgarrixa! Eguraldi txarrakin gauzak desberdinak izango zian, baina guk euki dun suertiakin bentzet, repetitteko moukua. Laister eukiku Luis-ek indako kronikia, eta beak kontaukozku Isasti eta bixak (txistulari ta tamborrero) indako karreria.

Oñatiarron sailkapena:

POSTUA   DENBORA    IZENA
3                2:16:49            Iban Letamendi
76              2:46:20            Iker Agirrebalzategi
321            3:19:32            Luis Urigoen
322            3:19:32            Iban Isasti
482            3:44:11            Lukene Igartua

Sailkapen osoa:   https://www.kirolprobak.com/clasificacion.php?id=688

MAITEN ALOÑAKO IGOERAKO KRONIKIA - LEHEN NESKA OÑATIARRA

Apirilak 21 goizeko 10:30ak eta danok salidan itxoitten itxaflerua noiz botako.Ingurukuak esan arren lasai egoteko ni nere nerbixo eta presiño puntuakin neuen,helburua beteko neben edo ez pentsaitten.

Derrepente itxaflerua entzun eta danok korrika baten urten geben.Nik bastante aurrian oso atzian ez geldiketako eta enbudorik ez arrapoteko.Urteagaineraiño dana korrika eta ahal nebena emuten.

Urteagainetik Aloñako bidian berriz bi tramo ezik beste dana oiñez in neben baina ritmo onian.Esan biharrekua da Urtiagaineko eta Belarreko animuak pasada bat izan ziala,jente pillia eta enterau orduko Aloñan(1h10min) bertan be jente pillatxua.Neretako samurrena inda heuen zatik bajadak ez dia nere punto fuertiak baina Aranen goizeko konsejuei jarraittuta ondo fan xaten;bueno Gorordoraiño zatik handik herriraiño nehikua lan heuki neben bolakin. Eskerrak tramo horretan Igor heuela lagunketako.

Berezaotik herrira luze in xaten baina behin Atzeko kalen behera noiala eta jakinda nere helburua betetera oihala min danak ahastu xaten.

Helmugan 1h46 min eta txantxikuakin etxera.

Eskerrik asko danoiri animuatik eta bereziki Araneri.

LUIS ETA IBAN TALDEKIDEAK DV EGUNKARIKO KIROLETAN

Pasa den Igandean izan zen Donostia-Hondarribia mendi lasterketaren berriak ematean, Diario Vasco egunkariak, gure taldekide Luis Urigoen eta Iban Isastiren argazkia aukeratu zuen. Egunkaria irakurtzean sorpresa handia eta batez ere argazki bikain bat ikusi ahal izan genuen. Datozen egunetan izango dugu lasterketaren laburpentxo bat.